काठमाडौ । नेकपा (माओवादी केन्द्र) को संसदीय दलको नेतामा पुष्पकमल दाहाल ‘प्रचण्ड’ चयन भएको छ ।
सिंहदरबारस्थित संसदीय दलको कार्यालयमा बसेको दलको बैठकले नेतामा अध्यक्ष दाहाललाई चयन गरेको हो ।
यस्तै, दलको प्रमुख सचेतकमा हितराज पाण्डे निर्विरोध चयन भएको छ भने दलको उपनेता र सचेतक भने चयन गरिएको छैन ।
राष्ट्रियसभातर्फ दलको नेता नारायणकाजी श्रेष्ठ चयन भएको छ भने प्रमुख सचेतकमा गोपीबहादुर सार्की अछामी र सचेतकमा गङ्गाकुमारी बेल्बासे पहिलेदेखि नै कार्यरत छन् ।
माओवादीको पदाधिकारीको बैठकले संसदीय दलको नेतामा नेकपा (माओवादी केन्द्र) का अध्यक्षसमेत रहेका पूर्वप्रधानमन्त्री दाहाललाई संसदीय दलको नेता बनाउने निर्णय गरेको थियो ।
सोही बैठकले प्रमुख सचेतकमा नेता पाण्डेलाई चयन गर्ने निर्णय गरेको थियो । गत मङ्सिर ४ गते सम्पन्न प्रतिनिधिसभा र प्रदेशसभाको निर्वाचनमा माओवादीले प्रत्यक्ष र समानुपातिक गरी ३२ स्थानमा जित हासिल गरेका छ ।
प्रकाशित मिति: बिहीबार, पुस ७, २०७९ १९:३१
