काठमाडौ । विभिन्न राजनीतिक दलका नेता तथा कानूनविद्ले देशमा स्थिरताका निम्ति नेपाली कांग्रेसले सरकारलाई विश्वासको मत दिनु सकारात्मक भएको टिप्पणी गरेका छन्।
आयोजित साक्षात्कारमा नेकपा ९माओवादी केन्द्र० का नेता एवं राष्ट्रियसभा सदस्य जगत पार्कीले आफूहरु देशमा स्थिरता चाहने भएकाले कांग्रेसले सरकारलाई विश्वासको मत दिनु सही भएको बताएको हो ।
उनले त्यसलाई अन्य दृष्टिकोणबाटभन्दा पनि सकारात्मक ढङ्गले सोेच्न आग्रह गर्दै कांग्रेसले विश्वासको मत दिएर देशलाई स्थिरतातर्फ लैजान सहयोग पुर्याएको उनको विश्लेषण छ ।
नेकपा ९एमाले० का नेता एवं संविधानविद् कृष्णभक्त पोखरेलले राष्ट्रिय सहमतिको सरकार बन्दै गर्दा कांग्रेसको पछिल्लो कदमलाई अस्वाभाविक भन्न नसकिने बताए ।
सोही अवसरमा वरिष्ठ अधिवक्ता डा सुरेन्द्र भण्डारीले कांग्रेसले प्रधानमन्त्रीलाई विश्वासको मत दिएर संविधान र लोकतन्त्रलाई संस्थागत गर्ने क्रममा गल्ती गरेको टिप्पणी गरे ।
अर्का संविधानविद् डा रुद्र शर्माले भने, “कांग्रेसले अहिलेको सरकारलाई समर्थन गरेपछि संसद् प्रतिपक्षविहीन भयो भन्नेजस्ता कुरा सुनिन्छ, त्यो सत्य होइन, दुई राजनीतिक दलहरु प्रतिपक्षमै छन्, कांग्रेसले पनि प्रतिपक्षमा बस्छु भनेको छ, संसद् प्रतिपक्षविहीन भएको अवस्था होइन ।”
त्यसैगरी, वरिष्ठ अधिवक्ता केदार कार्कीले सरकारलाई समर्थन दिए पनि कांग्रेस सरकारमा जाँदा मात्रै सत्तापक्ष हुने नत्र प्रतिपक्षकैरूपमा रहने दाबी गरे ।
प्रकाशित मिति: बिहीबार, पुस २८, २०७९ १९:४५
