कास्की । नेपाल कम्युनिष्ट पार्टी (एकीकृत समाजवादी)का अध्यक्ष माधव कुमार नेपालले राष्ट्रपतिका लागि राष्ट्रिय सहमति हुँदा राम्रो हुने बताएको छ ।
समाजवादी प्रेस संगठन कास्कीले पोखरामा आयोजना गरेको पत्रकार भेटघाटमा अध्यक्ष नेपालले राष्ट्रपतिको निर्वाचनमा सकेसम्म सबैको सहमति,नभएपनि अधिकाँसको सहमतिको विन्दु खोजी गर्नुपर्ने बताएको हो ।
राष्ट्रपतिमा सन्तुलन मिलाउन सक्दा गलत प्रवृत्ति जन्मन र हुर्किन नपाउने बताउँदै अध्यक्ष नेपालले संविधान, परिर्वतनको रक्षा गर्न सक्ने र सवैलाई स्वीकार्य व्यक्तिलाई राष्ट्रपतिलाई बनाउनुपर्ने धारणा राखे ।
देशमा प्रतिगमनको खतरा देखिएको बताउँदै उनले परिर्वतन र अग्रगमनको पक्षमा उभिनेहरु एक ठाउँमा उभिनुपर्नेमा जोड दिए ।अध्यक्ष नेपालले अहिलेको गठबन्धन गणतन्त्र र सङ्घीयताप्रति प्रतिवद्ध नभएको जिकिर गरे ।
अध्यक्ष नेपालले भने, “प्रतिगमनको दिशातर्फको यात्रा मेची नदी किनारमा हामी सबैले देखिसकेका छौँ, । सबै सजग बनौँ, सतर्क बनौँ । अग्रमनको पक्षमा उभिनेहरु एकतावद्ध बनौँ, प्रतिगमन नेपालमा सम्भव छैन ।”
प्रकाशित मिति: बुधबार, फागुन ३, २०७९ १३:१९
