काठमाडौं । उपराष्ट्रपतिमा चारै जनाकै उम्मेदवारी निर्वाचन आयोगले कायम गरेको छ।
उम्मेदवारीमा आयोगले उपराष्ट्रपतिमा नेकपा एमालेबाट अष्टलक्ष्मी शाक्य, जनमत पार्टीकी ममता झा, जनता समाजवादी पार्टीका रामसहायप्रसाद यादव र प्रमिला कुमारीको उम्मेदवारी कायम गरेको हो।
उमेदवार रामसहायप्रसाद यादवविरुद्ध परेको उजुरीमा उम्मेदवारी सदर भएको छ। राष्ट्रपति पदमा पुरुष निर्वाचित भइसकेको भन्दै नेकपा एमाले र जनमत पार्टीले यादवको उमेदवारी खारेजको मागसहित उजुरी दिएको थियो।
राष्ट्रपति र उपराष्ट्रपति छुट्टाछुट्टै लिंगको हुनु पर्ने संवैधानिक प्रावधान रहेको उनीहरुको जिकिर छ।
उपराष्ट्रपति चयनका लागि चैत ३ गते मतदान हुनेछ। मतदान बिहान १० बजेदखि दिउँसो ३ बजेसम्म हुने निर्वाचन आयोगले जनाएको छ।
प्रकाशित मिति: आइतबार, फागुन २८, २०७९ १३:५०
