ललितपुर। ललितपुर महानगरपालिका वडा नंबर १६ का वडा सरकार प्रमुख अर्थात वडा अध्यक्ष निर्मलरत्न शाक्य वडा सरकार प्रमुख मात्र नभइकन चलचित्र निर्माता पनि हुन्।
वडा सरकार प्रमुख शाक्यले निर्माण गरेको चलचित्रको नाम नै एक दिन एक रात हो । आजभन्दा १२ बर्षअघि निर्माण भएको चलचित्र एक दिन एक रात त्यो बेला वडा सरका प्रमुख शाक्यकै भाषामा भन्ने होभने, हावा खाएको चलचित्र हो।
विलकुलै फरकधारको पहिलो प्रयोगवादी नेपाली थ्रिलर मुभि भएको कारण त्यो बेलाको राजेश हमाल मार्काको परम्परागत धारमा चल्न सकेन।
देवकुमार श्रेष्ठको निर्देशन तथा दिया मास्के, अनुप बराल, कर्मा शाक्य, विनय श्रेष्ठ जस्ता खारिएका रंगमंचका एक से एक हस्ती कलाकारहरुको मजबुत अभिनय रहेको चलचित्र एक दिन एक रात हो।
यो चलचित्र काठमाडौंको जय नेपाल हल तथा कुमारी हलमा लगातार तीन हप्ता चलेको चलचित्र भएतापनि नाफाको हिसाव कितावमा घाटा खाएको चलचित्र हो।
यही चलचित्रका निर्माता वडा सरकार प्रमुख निर्मलरत्न शाक्यले त्यो बेला ६० लाख लगानी गरेका थिए। नाफा त परैजाओस् साँवा पनि नउठेको चलचित्र भएकै कारण घाटा खाएर चर्चित भएको निर्माता हुँ भनेर हाँसी-हाँसी भन्न चुकेनन्।
पैसा कमाउन नसकेपनि नाम, इज्जत तथा प्रतिष्ठा कमाउन सफल चलचित्र एक दिन एक रातका निर्माता शाक्य वडा सरकार प्रमुखमा भने सफल छन्।
ललितपुर महानगरपालिका वडा नंबर १६ को वडा सरकार प्रमुखमा दोश्रो इनिङमा भारी मतले जितेका शाक्य वडावासीका सुख–दुःखका साथी हुन्। सवैका प्रिय जनसरकार प्रमुख वडा अध्यक्ष शाक्य कमलो मनका गीतकार पनि हुन्।
भावुक मनका गीतकार शाक्यले १ सयभन्दा बढी नेपालभाषा तथा नेपालीमा लेखेका गीतहरु हिट लिष्टमा पनि छन् कसैको दुःख देख्न नसक्ने गीतकार शाक्य उनीहरुको दुःखमा गहभरि आँशु पारेर रोइदिने गीतकारका रुपमा पनि चिनिने गरेको छ।
वडावासीका सुख-दुःखका साथी निर्मलरत्न शाक्यको नविनता
ललितपुर महानगरपालिका-१६ ललितपुर महानगरपालिका भित्रको कोर एरिया हो। जहाँ सम्पदा र संस्कृतिले भरिपूर्ण छ। यस अर्थमा ललितपुर महानगरको प्राण नै हो, वडा नम्बर १६।
यो वडाको वडा अध्यक्ष अर्थात वडा सरकार प्रमुखमा कलाप्रेमी, विकासप्रेमी तथा वडावासीका सुख-दुःखका साथी निर्मलरत्न शाक्य हुन्।
जसले वडावासीलाई कहिले पनि मन दुखाउन जानेको छैन्। सवैको खुशीमा नै आफ्नो खुशी देखेका छन्। त्यसैमा आफूलाई पाएका छन्।
वडा सरकार प्रमुख शाक्यको यस वडामा पाटन दरबार क्षेत्रका कृष्ण मन्दिर, भिमसेन मन्दिर, हिरण्यवर्ण, यशोधरवर्ण, रत्नाकर महाविहारजस्ता मूर्त सम्पदा छन्।
बज्रयानी बौद्ध संस्कृति, भिमसेन जात्रा, मतयाः कृष्णपूजा, अष्टमातृका नाच, नरसिंह जात्रा, कात्तिक नाचजस्ता अमूर्त सम्पदा पनि यहीँ छन्।
यस्ता पुरातात्विक संरचनाले घेरिएको टोल तथा साँघुरा गल्ली अनि पाइला पाइलामा मन्दिर र परम्परागत पहिरनमा सजिएका बूढापाकाको पाटीपौवामा बसिबियालो साथमा सँझ्याः र टिकी झ्याःले सुसज्जित पुराना घरहरुको बाहुल्यता रहेको ललितपुर महानगरपालिका वडा नंबर १६ ललितपुरकै शान तथा गौरब हो।
मल्लकालीन सभ्यता र संस्कृतिको यथार्थता वोकेको यो वडाका वडा सरकार प्रमुख निर्मलरत्न शाक्यको दोश्रो इनिङ्ग आफैमा गौरब तथा शान हो।
जसले वडाका मूर्त तथा अमूर्त सम्पदा संरक्षणलाई प्राथमिकतामा राखेर काम गर्दैआएका छन्। ‘विकास निर्माणका काम छँदैछ, त्योभन्दा बढी हामी सम्पदा र संस्कृति जोगाउनमा केन्द्रित छौं,’ वडा सरकार प्रमुख शाक्यले भने, ‘सम्पदा मासिएको दिन हामीले आफ्नो परिचय गुमाउँछौं। वडा नम्बर १६ को मुख्य दायित्व ललितपुरको साँस्कृतिक परिचय जीवित राख्ने हो।’
नेवार संस्कृति, परम्परागत बाजागाजा, जीवनशैली, नेपालभाषा र लिपि संरक्षण गर्न ’नेवार लघु साँस्कृतिक संग्रहालय’ स्थापना गर्ने कार्यको अलावा ललितकला, काष्ठकला र हस्तकला प्रवद्र्धन गर्न त्यसको भव्य मेलाको आयोजना समेत गर्ने कार्य वडा सरकार प्रमुख शाक्यवाट भएको छ।
अघिल्लो निर्वाचनमा आफूले प्रतिबद्धता व्यक्त गरेका धेरैजसो कार्य पूरा गरेको तथा पछिल्लो निर्वाचनमा निर्वाचित भएर आएयता बाँकी कार्यहरु धमाधम गर्ने कार्य भएको तथा वडालाई अझ सुखी र संपन्न गर्न र गराउन वडावासीकै सल्लाह र सुझाव अनि माग बमोजिमका कार्यहरुमा गत्ति प्रदान गर्ने कार्य आफूवाट हुँदैआएको पनि वडा सरकार प्रमुख शाक्यले वताए ।
ललितपुर महानगरको मात्र नभइकन देशकै नमूना वडाको रुपमा विकास गर्ने योजनामा लागिरहेको पनि वडा सरकार प्रमुख शाक्यले खुलासा गरे।
वडामा वडावासीले देखिने र वडावासीले महशुश गर्न पाउने विकास–निर्माणका कार्यको अलावा वडावासीलाई सीपवान वनाएर रोजगारीको विकास गर्ने थुप्रै योजनाहरु तर्जुमा भैसकेको जानकारी पनि शाक्यले दिएका छन्।
सेवाग्राहीको काम चुस्तदुरुस्त रूपमा भइरहेको छ । कुनै पनि सेवाग्राहीले ललितपुर महानगरपालिका वडा नंबर १६ कार्यालयमा कामका लागि १० मिनेटभन्दा बढी बस्नुनपर्ने गरेर सेवा प्रदान गर्दैआएको पनि जिकिर वडा सरकार प्रमुख शाक्यको छ।
