ललितपुर। ललितपुर महानगरपालिका-५ मुख्य सडक सरसफाई तथा सुन्दरता अभियानमा वडा सरकार प्रमुख नै घाँस उखेल्नेदेखि फोहोर टिपेर उचित स्थानमा व्यवस्थापन गर्ने कार्यमा घण्टौ लाग्दा सवैको मन थाम्नै सकेन।
वडा सरकार प्रमुख विकासमान श्रेष्ठको जाँगर अनि अग्रसरतावाट प्रभावित हुनेहरु स्वतःस्फूर्त सडकमा सफा गर्न कम्मर कसेको देख्दा सवै चकित बने।
ललितपुर महानगरपालिका-५ को महालक्ष्मीस्थान देखि वरपरको चक्रपथ क्षेत्रभित्रको सफाई अभियानमा देखेको यो जागरुकताले स्वच्छ, सफा, हराभरा, धुलो तथा धुँवारहित स्वस्थ र सुरक्षित वडा बनाउने अभियान अन्तर्गत सञ्चालित वडा सरसफाई कार्यक्रमको १६७ औं श्रृंखलासम्म आइपुग्दा जनचेतनामा व्यापक अभिबृद्धि आफूले पाएको वडा सरकार प्रमुख विकासमान श्रेष्ठले बताए।
यसरी नै जनचेतनाको लहर हरदिन हरपल भएमा वडा सदा हराभरा हुने तर्क वडा सदस्य अशोक कुमार श्रेष्ठको छ । वडा सदस्य श्रेष्ठको अलावा महिला वडा सदस्य शोभादेवी प्रधान तथा मञ्जु रिजालको व्यापक सक्रियताले पनि स्थानीयवासीमा ठूलो उत्साह मिलेको थियो ।
त्यसमा स्थानीय वडावासी, प्रहरी-प्रशासनको पनि क्रियाशील सहभागिता भएको र सवैलाई आभार तथा धन्यवाद दिने कार्य वडा सरकार प्रमुख श्रेष्ठवाट भएको छ ।
प्रकाशित मिति: शनिबार, वैशाख ३०, २०८० २०:०५
