काठमाडमाै। नेपाली कांग्रेसका महामन्त्री गगन थापाले नेपाली कांग्रेस केन्द्रीय सभापतिले देश र कार्यकर्ताको हितको लागि नेतृत्व हस्तान्तरण गर्नु पर्ने बताएको छ।
विराटनगर विमानस्थलमा महामन्त्री थापाले पार्टी सभापतिले मैले नेतृत्व गरिन भने पार्टी सम्हालिदैन भन्ने सोचवाट बाहिर निस्कनु पर्ने प्रष्ट पारेको हो।
महामन्त्री थापाले पार्टी नेतृत्व जो सुकैले लिए पनि त्यो पार्टी र स्वंयम सभापतिको हितमा रहने धारणा राख्दै नेपाली जनता र पार्टी शुभेच्छुकको चाहना पनि नेकाँको नेतृत्व अव नयाँ व्यक्त्तिले गर्नुपर्छ भन्ने रहेको बताए ।
महामन्त्री थापाले पाँच वर्षे यो संसदीय कार्यकालमा एक पटक कांग्रेसको नेतृत्वमा सरकार वन्ने भएकाले बर्तमान सभापतिले पाँच पटक प्रधानमन्त्री भइसकेकाले आगामी दिनमा नयाँ नेतृत्वले सरकार सञ्चालन गर्नु पर्ने विचार राखेका थिए।
महामन्त्री थापाले पार्टीलाई सुदृढ वनाउने अभियानमा आफू निरन्तर लागि रहेको भन्दै पार्टी नेतृत्वसँग आफनो कुनै आग्रह पुर्र्वाग्रह नरहेको स्पष्ट पार्दै डा शेखर कोइरालासँग पार्टीको १४ औ महाधिवेशनमा रहेको सम्वन्ध अहिले झन प्रगाढ वनेको पनि खुलासा गरे।
प्रकाशित मिति: मंगलबार, जेठ ३०, २०८० १९:३७
