ललितपुर । अपाङ मानव अधिकारको अग्रणी संस्था स्वावलम्बन जीवनपद्धती केन्द्र ललितपुरले व्यक्तिगत सहयोगी सेवा कार्यविधी पेश गरेको छ। ललितपुर महानगरपालिकामा स्वावलम्बन जीवनपद्धती केन्द्र ललितपुरले व्यक्तिगत सहयोगी सेवा कार्यविधी २०८० पेश गरेको हो।
स्वावलम्बन जीवनपद्धती केन्द्र ललितपुरका अध्यक्ष भोजराज श्रेष्ठको नेतृत्वमा गएको प्रतिनिधि मण्डलले विहीवार ललितपुर महानगरपालिकाका मेयर चिरीबाबु महर्जन तथा प्रमुख प्रशासकिय प्रमुख बिरेन्द्र भारती समक्ष ब्यक्तिगत सहयोगी सेवा कार्यबिधी २०८० को ड्राफ्ट तयार गरि पेश गरिएको छ। पूर्ण र अति अशक्त अपाङ्गता भएका ब्यक्तिको जीवन स्तरमा सहयोग पुर्याउन अत्याबस्यक रुपमा रहेको ब्यक्तिगत सहयोगी सेवा कार्यबिधी २०८० ललितपुर महानगरपालिकाको आर्थिक सहयोगमा स्वाबलम्बन जीवन पद्धति केन्द्र ललितपुरले विभिन्न चरणमा छलफल,अन्तरकृया गरि कानून शाखा र महिला बिकास शाखाको समेत सहयोगमा तयार गरिएको उक्त कार्यबिधी आगामी कार्यपालिकाको बैठकमा एजेण्डाको रुपमा पेश गर्न महानगर मेयर चिरिबाबु महर्जनले प्रमुख प्रशासकिय प्रमुखलाई निर्देशन दिएका थिए। उक्त भेटमा ललितपुर महानगरपालिका भित्र स्वावलम्बन जीवनपद्धती केन्द्र ललितपुरले आर्थिक बर्ष २०७९–०८० मा भए गरेका विभिन्न क्रियाकलापहरूबारे जानकारी गराउने कार्य भएको थियो।
अपाङ्गता भएका व्यक्तिहरूको घरभेट कार्यक्रम अन्तरगत अपाङ्गता भएका व्यक्ति, अभिभावक, छरछिमेकसँग भएको भेटघाट,देखिएको समस्या पहिचान र समाधानका लागि आवश्यक कार्यहरूको बारेमा पनि अवगत गराइयो । त्यसैगरी, दिवासेवा कार्यक्रमबाट लाभान्वित अपाङ्गता भएका ब्यक्तिहरु,अबिभावकले दिवासेवा कार्यक्रमले अपाङ्गता भएका ब्यक्तिहरु एकै ठाउँ बस्नु परिरहेको अवस्थामा बाहिर समाजमा हेलमेल गर्न,मनोरञ्जन तथा सार्बजनिक कार्यक्रममा सहभागी हुने अवसर मिलेको पनि जानकारी दिने कार्य भएको थियो।
भौतिक पहुँच परिक्षण तथा वडा वडामा पुगी भए गरेका छलफलको पनि जानकारी गराइयो । भैतिक पहुँच परिक्षण गर्दा देखिएको कमी कमजोरीलाई इन्जिनियर लब कार्कीले सबिस्तार गरेका थिए । यसका अतिरिक्त इन्जिनियर लब कार्कीलाइ भौतिक संरचना अबलोकन गर्दा सुधार गर्नुपर्ने संरचना सुधार गर्न र कोरीयाको भ्रमण गर्दा त्यहाँको संरचनाको अध्ययन गरी सोहि अनुसार यस महानगरपालिकामा पनि डिजानइ गरी कार्यान्वयन गर्न पनि मेयर महर्जनले निर्देशन दिएका थिए ।
मेयर महर्जनले चक्रपथस्थित एकान्तकुनामा निर्माण हुन लागेको आकाशे पुलमा अन्तर्राष्ट्रिय मापदण्ड अनुसार लिफ्ट जडान गरी अपाङ्गता मैत्री बनाउन स्वीकृत गराएको, पाटन दरबार स्क्वायर, सुन्दरी चोक लगायतका ऐतिहासिक तथा पुरातात्विक महत्वका पर्यटकिय स्थलहरुमा अवलोकनका लागि अपाङ्गता मैत्री संरचना निर्माण गर्ने र अन्तर्राष्ट्रिय अपांगता दिवसका दिन हजारौं अपाङ्गता भएका नागरिकहरुलाई अबलोकन भ्रमण गराउने योजना रहेको बताए। बिश्वका मानिसहरु आएर अबलोकन गर्ने ठाउँहरुमा हाम्रै अपाङ्गता भएका दाजुभाइ तथा दिदिबहिनीहरुले हेर्न नपाउनु दुःख लाग्दो अवस्थालाइ सुखद बनाउने कुरामा पनि मेयर महर्जनले जोड दिए।
अब महानगर भित्र निर्माणधिन ११ वटा शौचालयहरू अपाङ्गता मैत्री बन्ने कुरा पनि अवगत गराउने कार्य मेयर महर्जनवाट भएको थियो । सो भेटघाटमा वडा नंबर १३ का वडाध्यक्ष गणेश केसीको पनि उपस्थिती थियो। उक्त टोलीमा स्वावलम्बन जीवनपद्धती केन्द्र ललितपुर अध्यक्ष भोजराज श्रेष्ठ, कृष्णराज चौधरी, दिनेश कुमार खड्का, गीता तुम्बाहाम्फे, लक्ष्मी कुँवर, प्रकृति भट्टराइ, सौजन्य पराजुली, पार्वती गौतम, दिलशोभा लिम्बु, बाबुकाजी महर्जन लगायत महानगरपालिका मेयर सचिवालययका इन्द्र बज्राचार्य,बिपि कोइरालाको समेत उपस्थिति थियो ।
प्रकाशित मिति: बिहीबार, साउन २५, २०८० २२:३४
