ललितपुर । ललितपुर उद्योग वाणिज्य संघको साधारणसभा असोज १९ गते हुने भएको छ । सोही साधारणसभाको चुनावले आगामी कार्यकालको लागि नयाँ कार्यसमिति चयन गर्नेछ । संघमा कूल २२ सदस्यीय कार्यसमिति रहने छ भने १ हजार ९ सय मतदाता रहेका छन्।
उक्त चुनावमा १५ बुँदे प्रतिवद्धता सहित विश्वराज बज्राचार्यले अध्यक्ष पदका लागि उम्मेद्वारी घोषणा गरेको छ । ललितपुरको पुल्चोकस्थित एक चुनावी कार्यक्रमलाई सम्बोधन गर्दै बज्राचार्य समूहले आफ्नो उम्मेद्वारी समुह घोषणा गरेको हो।
संघको यहि असोज १९ गते हुने चुनावी मैदानमा मूख्यगरी तीन प्यानलबीच चुनावी भिडन्त हुने भएको छ। बज्राचार्य समूहबाट संघको अध्यक्ष बज्राचार्यले उम्मेद्वारी दर्ता गराएका छन् भने वरिष्ठ उपाध्यक्षमा विरेन्द्रलाल श्रेष्ठ, संस्थागत उपाध्यक्षमा मुकुन्द महर्जन, उद्योग उपाध्यक्षमा आपुलाल अवाले, वाणिज्य उपाध्यक्षमा रमेशभक्त मुल्मी, महासचिवमा भूमिनन्दन कर्माचार्य र कोषाध्यक्षमा मिलन शाक्य छन् ।
‘ललितपुर जिल्लाका सम्पूर्ण उद्योगी व्यावसायीहरुलाई समेटेर प्यानलसहित चुनावमा होमिएका र्छौं,’ उम्मेद्वारी घोषणा कार्यक्रममा बोल्दै बज्राचार्यले भने, ‘जीतपछि सबै उद्योगी व्यावसायीहरुलाई समेटेर ललितपुरको बलियो र मजबुत व्यावसायीक छाता संगठनका रुपमा ललितपुर उद्योग वाणिज्य संघलाई अघि बढाउँनेछु।’
ललितपुरलाई साना-ठूला उद्योगी व्यावसायीको छाता संगठनका रुपमा अघि बढाउँदै केन्द्र, प्रदेश र स्थानीय सरकार तथा उद्योग वाणिज्य महासंघसम्म बलियो प्रतिनिधित्व गराउने समेत अध्यक्षका प्रमुख दाबेदार बज्राचार्यले प्रतिवद्धता जाहेर गरेका छन्।
आफ्नो प्यानलको जीत सुनिश्चित रहेको दाबी गर्दै बज्राचार्य समूहले संघको तर्फबाट गरिने १५ बुँदे कार्यसूची समेत सार्बजनिक गरिसकेको छ। जसमध्ये स्थानीयस्तरको उत्पादनको ब्राण्डिङ, ललिपुरमा मेला प्रदर्शनीको आयोजना, उत्पादन, संस्थागत सुशासन लगायतका मूलभुत् एजेण्डाहरु छन्।
याे पनि :
नामी साप्ताहिक
प्रकाशित मिति: शनिबार, असोज ६, २०८० ०८:३०
