काठमाडौंं। लिच्छवीकालिन राजा मानदेवको राजधानी मानिएको तत्कालिन आलामपुर हालको कागेश्वरी मनोहरा नगरपालिका वडा नंबर २ आलापोटका वडा अध्यक्ष अर्थात वडा सरकार प्रमुख सुरज खड्का कागेश्वरी मनोहरा नगरपालिकाभरकै एकमात्र भर्खरको जोशिला जनप्रतिनिधि हुन्। जसको देशभरकै वडाहरुमध्येकै नमूनामय वडा बनाउने जोश छ। उत्साह छ। भर्खरैका तन्नेरी जोश वोकेका युवा वडा सरकार प्रमुख खड्का निर्वाचित भएर आएको पनि डेढ बर्ष पुगेको छ। यस अवधिमा उनले नोटिसेबल कार्य गरेर वडावासीको मन जित्न सफलता प्राप्त गरेको छ।
रातको बेला प्राय अन्धकार हुने वडालाई सडक बत्ति मार्फत उज्यालो बनाउने कार्य देखि बर्षौ बर्ष देखि सडक पिच नभएर धेरै दुःख खेपिरहेको वडावासीलाई छिटो भन्दा छिटो सडक पिच गर्न लगाएर राहत दिने कार्य भएको छ। शान्ति–सुरक्षा र अमैनचैयन कायम गर्नका लागि वडावाटै प्रत्येक टोल तथा सडकलाई नियाल्न सक्ने गरेर सिसि क्यामेरा जडान गर्ने कार्य भएको र त्यसवाट चौविसै घण्टा मोनिटरिङ गर्ने कार्यभएवाट सुरक्षाको प्रत्याभुति दिएको छ। वडामा नयाँ बसोबास गर्न आउने डेरावालहरुको पूर्ण जानकारी राख्ने देखि लगायत निःशुल्क विद्यार्थी स्वास्थ परिक्षण कार्यक्रम, प्रजनन स्वास्थ्य शिविर सञ्चालन, पुरुषको लागि स्थायी बन्ध्याकरण शिविर सञ्चालन, स्वास्थ सम्बन्धी जनचेतनामुलक कार्यक्रम, डेङ्गु, डायविटिज लगायत स्वास्थ स्वयमसेवी अभिमुखिकरण तालिम समेत नियमित गर्दैआएको वडा सरकार प्रमुख खड्काले जानकारी दिएका छन्।
वडा सरकार प्रमुख खड्काका अनुसार वडा मार्फत राष्ट्रिय परिचयपत्र विवरण संकलन कार्य सञ्चालन, वडाकप फुटसल प्रतियोगिता लगायतका खेलकुद सम्पन्न गरि युवा उर्जालाई खेलकुद तर्फ आकर्षित र उपयोग गर्ने काम भएको छ। वडावासीलाई रातविरात स्वास्थ्य उपचारका लागि अस्पताल जानुपरेको खण्डमा चौविसै घण्टा एम्बुलेन्स सेवाको लागि पहल गर्ने कार्य देखि आवश्यक विकास निर्माण कार्यमा तिब्र भएर लाग्ने लक्ष्य राखेको पनि सरकार प्रमुख खड्काले बताए ।
कृषि सामाग्री अनुदान कार्यक्रम अन्तर्गत मल, बिऊ विजन, विषादी बितरण तथा फलफूल, तरकारी तथा बोटविरुवा बितरण कार्य समेत गरिएको, पशु विमा लगायत तत्सम्बन्धी कार्यक्रम सञ्चालन गरेको, सहकारी विकास अन्तर्गत आलुखेती तालिम, विभिन्न सामुदायिक विद्यालयहरुमा विभिन्न सामाजिक संस्था र एन जि ओ मार्फत किताब तथा स्टेसनरी सामाग्री बितरण गर्ने कार्य गरिएको, वेरोजगार युवालाई सीपमूलक रोजगार सम्बन्धी आधारभुत तालिम सञ्चालन लगायतका कार्यहरु गर्दै अग्रता दिदैआएका वडा सरकार प्रमुख खड्का संभवतः काठमाडौं उपत्यकाकै कम उमेरका वडा सरकार प्रमुख हुन्।
सानो उमेर ठूलो जिम्मेवारी वोकेर वडाको विकास गर्न हरदम हरपल अग्रसर बनिरहेका वडा सरकार प्रमुख खड्का वडावासीकै चाहना र आवश्यकता अनुसार काम गर्दैअगाडि बढ्ने प्रतिबद्धता व्यक्त गर्दछन्। बडादशैं, तिहार, नयाँ बर्ष नेपाल संवत ११४४ तथा छठ पर्वको पनि सवैलाई शुभकामना पनि खड्काले दिएका छन्।
(नामी साप्ताहिकवाट साभार)
प्रकाशित मिति: आइतबार, कात्तिक ५, २०८० ०९:२५
