काठमाडौं। नेपालका राष्ट्रपति रामचन्द्र पौडेलको केही महिनाअघि मात्र नेपाली नागरिकताको सक्कल प्रमाण–पत्र हराएको थियो। त्यसको नयाँ तथा प्रतिलिपि लिन स्थानीय वडा अध्यक्षको सिफारिस अनिवार्य छ। तनहुँ स्थायी घरठेगाना भएका राष्ट्रपति पौडे्लको नेपाली नागरिकता प्रमाण–पत्र हराएको ठहर भयो । सक्कल नागरिकता नभएपछि राष्ट्रिय परिचय पत्र वनाउन नपाइने भएकोले राष्ट्रिय परिचय पत्र बनाउन नागरिकताको प्रतिलिपि लिन आवश्यक भयो ।
तब, राष्ट्रपति कार्यालय शितल निवासले शितल निवास रहेको काठमाडौं महानगरपालिका वडा नंबर ३ का वडा अध्यक्षलाई संवोधन गरेर मिति २०८० भाद्र १८ गते पत्र लेख्यो । राष्ट्रपति कार्यालय शितल निवासवाट पत्र पठाएकै दिन काठमाडौं महानगरपालिका वडा नंबर ३ का वडा अध्यक्ष प्रेम थापाले काठमाडौं जिल्ला प्रशासन कार्यालयलाई राष्ट्रपति रामचन्द्र पौडे्लको नागरिकताको प्रतिलिपिका लागि सिफारिस गर्ने कार्य भयो। स्थानीय सरकारको वडा सरकार प्रमुखको हैसियतले देशकै सर्वोच्च निकाय राष्ट्रपतिको नागरिकता सिफारिस गर्ने गौरबता आफूले पाएको सगौरब थापा भन्छन्।
राष्ट्रपति कार्यालय तथा निवास र पूर्वराजा ज्ञानेन्द्रको निर्मल निवास लगायत हस्पिटलहरुको हब नै मानिएको काठमाडौं महानगरपालिका वडा नंबर ३ को गौरबमय वडा सरकार प्रमुख थापाले यसअघि राप्रपाका नेता पशुपति शमशेर जंगबहादुर राणा तथा नेपालका राजपरिवारका सदस्यहरुको समेत नेपाली नागरिकताको सिफारिस गर्ने कार्य गरिसकेका छन्।
विसं.२०७४ सालमा वडा सदस्यमा लोकप्रिय जनमतवाट निर्वाचित थापा विसं.२०७९ को निर्वाचनमा वडा अध्यक्षमा भारी मतले जितेका थापा जनप्रिय तथा लोकप्रिय वडा अध्यक्ष हुन्। सवै वडावासीको मन–मनमा बस्न सफल वडा अध्यक्ष थापाले निर्वाचित भएर आएको डेढ बर्षमा विकास निर्माणका कार्यमा तिब्रता दिएका छन्। बर्षौ बर्षदेखि बाटो खोल्न नसकेका बाटोहरुलाई खोल्ने कार्य देखि वडावासीका एक से एक समस्याको समाधान गर्न र गराउन सफल भएका छन्।
(नामी साप्ताहिकवाट साभार)
प्रकाशित मिति: आइतबार, कात्तिक ५, २०८० ०९:३८
