काठमाडौं। आपसी भाइचारा, सदभाव तथा प्रेममय होली पर्व ललितपुर महानगरपालिका वडा नंबर ५ ले मनाएको छ। वडावासीको सदभावपूर्ण प्रेमको होली कार्यक्रम नाम दिएर होली पर्व ललितपुर महानगरपालिका वडा नंबर ५ ले मनाएको हो।
ललितपुर महानगरपालिका वडा नंबर ५ का वडावासीको सुख–दुःखको साथीको रुपमा रहेका वडा सरकार प्रमुख यानी वडा अध्यक्ष विकासमान श्रेष्ठ यो बर्ष मातृशोकमा रहेतापनि वडावासीको सदभावपूर्ण प्रेमको होलीको रुपमा मनाउने कार्यमा आफूले अग्रता दिएको बताउंछन्।
होलीका कुनै रंग तथा अबिर आफूले नलाएपनि आफ्नो अनुरोधमा सारा वडावासी आएर लगनखेलको बुद्धि विकास मण्डलको खेल मैदानमा आपसी भाइचारा, सदभाव तथा प्रेममय होली पर्वमा सारा वडावासीको सहभागिता रहेकोमा सवैलाई धन्यवाद तथा आभार व्यक्त गर्ने कार्य वडा सरकार प्रमुख श्रेष्ठवाट भएको छ।
ललितपुर महानगरपालिकाकी उपमेयर मञ्जरी शाक्य बज्राचार्यको प्रमुख आतिथ्यतामा भएको वडावासीको सदभावपूर्ण प्रेमको होली कार्यक्रममा सवैले उत्साहजनक सहभागिता जनाएर आपसी भाइचारा, सदभाव तथा प्रेम प्रकट गर्ने कार्य भएको थियो।
यसरी वडावासीलाई एकताको डोरीमा बाँध्ने कार्यमा वडा सरकार प्रमुख श्रेष्ठको प्रयास अत्यन्त सह्रानिय रहेको सवैको धारणा रहेको छ।
प्रकाशित मिति: आइतबार, चैत ११, २०८० २१:१३
