तम्घास, गुल्मी । यही मंसिर १६ गते हुने उप-निर्वाचनको लागि गुल्मीमा तयारी अन्तिम चरणमा पुगेको छ।
उप-निर्वाचनमा उम्मेदवारले मत माग्ने, घरदैलो गर्ने, मतदाता भेट्ने एवं सरकारको तर्फबाट तर्फबाट सुरक्षा व्यवस्था गर्ने, उम्मेदवारको सूचि तयार गर्ने, मतदान केन्द्र तथा मतगणनास्थलको उचित व्यवस्था लगायतका सबै तयारी पूरा भएको हाेछ।
गुल्मीको मुसिकोट नगरपालिका वडा नम्बर १ मा मात्रै उप-निर्वाचन हुने भएकोले समग्र जिल्लाको ध्यान सोही वडामै छ।
नेपाली काँग्रेस, नेकपा एमाले, नेकपा माआवादी केन्द्र तथा राष्ट्रिय स्वतन्त्र पार्टीका स्थानीय तथा जिल्लास्तरका नेताहरुको जमघट मुसिकोटमा राम्रै देखिन्छ ।
उम्मेदवारहरुले पनि घरदैलो कार्यक्रम गर्ने, मतदाता भेट्ने, विकासका आश्वासन बाँड्ने, अन्य ठाउँमा भएका मतदातालाई भोट राख्न बोलाउने, निर्वाचनको रणनीति बनाउने लगायतका काम गरिसकेका छन्। माओवादी केन्द्रको तर्फबाट वडाध्यक्षको उम्मेदवार दुर्गा विक र एमाले नेता गणेश खनालले उम्मेदवारी दिएका छन् ।
कुल ४ हजार ९१ मतदाता रहेको मुसिकोट-१ मा नेपाल राष्ट्रिय सर्वोदय मावि, जनज्योती मावि र सरस्वती मावि गरी तीन स्थानमा मतदान हुनेछ ।
निर्वाचन कार्यालयले मनोनयन दर्ता, उम्मेदवारको अन्तिम नामावली सार्वजनिक गर्ने, मतपत्रको व्यवस्था लगायतको निर्वाचनसम्बन्धि आवश्यक तयारी गरेको निर्वाचन अधिकृत ऋषिराम घिमिरेले बताए ।
मंसिर १३ गते राति १२ बजेबाट मौन अवधि सुरु हुने भएकाले पनि दलहरु प्रचार-प्रसारको अन्तिम तयारी गरेका हुन्। २०७९ को निर्वाचनमा नेपाली काँग्रेसका तर्फबाट निर्वाचित मोहन घिमिरेको निधन भएपछि मुसिकोट-१ मा उप चुनाव हुन लागेको हो।
राजनीतिक दलहरुले निर्वाचनमा विकासका ठूला-ठूला आश्वासन दिने तथा निर्वाचनपछि आश्वासन पूरा नगरेका कारण जनतालाई भने दलप्रति खासै भरोसा छैन ।
सांगठनिक हिसाबले एमाले बलियो देखिएता पनि स्थानीय निर्वाचनमा नागरिकले व्यक्ति हेरेर मतदान गर्ने भएकाले निर्वाचनको नजिता यसै भन्न सकिन्न ।
तर राजनीतिक हरेक निर्वाचनमा पूरा नहुने विकासका झुटा आवश्वासन बाँड्न बन्द गरी निर्वाचित प्रतिनिधि र दलले नागरिकप्रति उत्तरदायी भएर काम गर्नु आवश्यक छ ।
-1777773700.jpg)
