ललितपुर । देशमा बिस्तारै चुनावी माहोल तातिँदै गएको छ । चिया पसलदेखि ठूला होटलसम्म, गाउँको चौतारीदेखि सहरका बैठकसम्म—राजनीति र निर्वाचनबारे छलफल सामान्य बन्दै गएको छ। यही सन्दर्भमा ललितपुर जिल्लाको निर्वाचन क्षेत्र नंबर २ पनि बहसको केन्द्रमा देखिन थालेको छ।
विशेषगरी राष्ट्रिय स्वतन्त्र पार्टी (रास्वपा) बाट प्रतिनिधिसभाको प्रत्यक्ष उम्मेदवारका रूपमा अगाडि सारिएका बुद्धरत्न महर्जनबारे चासो र चर्चा बढ्दै गएको छ। राष्ट्रिय स्वतन्त्र पार्टीको ललितपुर जिल्लामा बागडोर नै हाँक्दैगरेका ललितपुर जिल्ला सभापति समेत रहेका बुद्धरत्न महर्जन निश्कलंक स्वच्छछविका इमान्दार युवा नेताका रुपमा ललितपुरमा चिनिएका छन्।
राष्ट्रिय स्वतन्त्र पार्टी (रास्वपा)को सुरुवाती दिन देखि अहोरात्र खटेर ललितपुरमा रास्वपाको बिउ रोप्ने काम महर्जनवाटै भएको हो। जुन तत्कालिन समयमा अत्यन्त कठिन कार्य थियो।
तत्तपश्चात ललितपुर जिल्लाभरि संगठन बिस्तारमा गहन भूमिका तथा महत्वपूर्ण योगदान दिदै जनताको सेवामा अहोरात्र खट्दैआएका महर्जन शालिन तथा बौद्धिक नेताको रुपमा पनि चिनिने गरेको छ।
२१ फागुनमा हुने प्रतिनिधि सभाको प्रत्यक्ष तर्फ ललितपुर क्षेत्र नंबर २ बाट सर्वसहमतमा पार्टीमा आन्तरिक उम्मेदवारी दिएका महर्जनलाई सवैले हार्दिक बधाई तथा अग्रिम जितको शुभकामना दिएका छन्।
ललितपुर जिल्लाको निर्वाचन क्षेत्र नंबर २ मा ललितपुरको पाटन ढोका, गाबाहाल, कुमारीपाटी, लगनखेल, सिञ्चाहिटी, युयन पार्क, बालकुमारी, लाकुरी लामाटार, लुभु, चाङाथली, सानागाउँ, सेतीपाखा देखि टिकाथलीसम्म पर्दछ।
प्रकाशित मिति: मंगलबार, पुस २२, २०८२ २२:०२
