विश्वका सबैभन्दा धनी व्यक्ति मस्कले ट्वीटर किन्ने

विश्व परिवेश

Home
विश्व परिवेश
विश्वका सबैभन्दा धनी व्यक्ति मस्कले ट्वीटर किन्ने

विश्वका सबैभन्दा धनी व्यक्ति मस्कले ट्वीटर किन्ने

Nami News मंगलबार, वैशाख १३, २०७९

Elon Musk - CEO of Tesla Motors

सामाजिक सञ्जाल ट्वीटरको सञ्चालक समिति (बोर्ड) ले ४४ अर्ब अमेरिकी डलरमा उक्त कम्पनी अधिग्रहण गर्ने अर्बपति एलन मस्कको प्रस्तावमा सहमत भएको छ ।

मस्कले दुई साताभन्दा कम समयअघि सबैलाई चकित पार्दै ट्वीटरको बोली लगाएको छ ।

सन् २००६ को मार्चमा यसको स्थापनापछि, ट्वीटरले २१ करोड ७० लाख दैनिक सक्रिय प्रयोगकर्ताहरू जम्मा गरेको छ। ती मध्ये ८० प्रतिशत भन्दा बढी संयुक्त राज्य अमेरिका बाहिरका रहेका छन् ।

ट्वी टरले २०१७ को अन्त्यसम्म नाफाको लिन सकेन । यद्यपी ट्वीटरले गत वर्ष २२ करोड १० लाख अमेरिकी डलर बराबरको रकम घाटा भएको बताएको थियो ।

हालको अवस्थामा ट्वीटरमा “व्यापक सम्भावना“ रहेको र ती सम्भावनाका ढोकाहरुलाई आफूले खोल्ने मस्कले बताएको छ।

उनले नक्कली खाताहरूलाई हटाउने तथा कैयौ प्रतिबन्धहरूलाई खुकुलो पार्नेसम्मका धेरै परिवर्तनहरूका लागि पनि आह्वान गरेको छ । कम्पनीले सुरुमा मस्कले लगाएको बोलीलाई अस्वीकार गरेको थियो ।

फोर्ब्स पत्रिकाकाअनुसार मस्क विश्वका सबैभन्दा धनी व्यक्ति हुन् । उनको अनुमानित सम्पत्ति २७३.६ अर्ब डलर रहेको छ। उनी विद्युतीय सवारीसाधन निर्माता टेस्ला कम्पनीको मुख्य शेयरधनी हुन् ।

-एजेन्सी

प्रकाशित मिति: मंगलबार, वैशाख १३, २०७९ २२:२९

प्रतिक्रिया दिनुहोस्