काठमाडौ । दृष्टिबिहीनहरुले भोग्ने गरेका दुःख सुखको कहानीलाई गीतमा उतारिएको "हाम्रो पनि मन हुन्छ" बोलको गीतको म्युजिक भिडियो डिलाईटेड नेपाल युटुब च्यानल मार्फत रिलिज भएको छ।
रचनातर्फको यसै वर्ष नातीकाजी स्मृति पुरुस्कारबाट पुरस्कृत गीतकार डी पी दाहाल परिश्रमीद्वारा रचित उक्त गीतमा दृष्टिबिहीनहरुको मनभित्रका भोगाईहरुलाई राम्रो ढङ्गले प्रस्तुत गरिएको छ।
प्रत्यक्षरुपमा आँखा देख्नेहरुले आँखा नदेखि विवश भएकाहरुलाई अन्र्तमनदेखिनै माया गा्राैं, उनीहरुले बाहिरी आँखा नदेखे पनि भित्री आँखाले सबै देखिरहेको हुन्छ भन्ने कुरा गीतले बोलेको छ।
अर्कालाई अर्ति दिन जो पनि तयार हुन्छन् तर व्यवहारमा खरो उत्रन सक्दैनन्, त्यसैले बोलीले मात्र हैन, व्यवहारले नै दृष्टिबिहिनहरुलाई सहयोग गर्नुपर्ने, माया गर्नु पर्ने गीतका शब्दहरुले बोलेका छन्।
धेरै धन कमाएकाहरु पनि सुखी नभएका र मनका खुशी पनि बाहिरै देखिदैनन् तसर्थ हामीभित्र रहेका बाहिरी र भित्री आँखा चिन्नु पर्ने, मान्छेको मनभित्र नै आगो र पानी हुने भएकाले संयमपूर्वक प्रश्तुत हुनुपर्ने, र दैवको लेखालाई कसैले टारेर टार्न नसक्ने कुरा पनि गीतमा अभिव्यक्त गरिएका पाईन्छ ।
"हाम्रो पनि मन हुन्छ" गीतमा लोकप्रिय गायक दिपक लिम्बु, गायिका पूजा देबकोटाको श्वर, पूरुषोतम न्यौपानेको संगीत, केशब बडुको एरेन्ज रहेको छ।
त्यस्तैगरी भिडियोलाई भिडियो निर्देशन क्षेत्रमा लामो समयसम्मकाे अथक अनुभव सङ्गालेकी लोकप्रिय निर्देशक स्मृति तिमिल्सेना (गुरुआमा) काे निर्देशन रहेको छ।
सो भिडियोमा कलाकार द्वय कमल सिंह र आयुष्मा कार्किको अभिनय रहेको छ। डिलाईटेड नेपालको ब्यानरमा प्रस्तुतकर्ता रिता सिम्खडा दाहाल, सम्पादन। कलर प्रकाश धमला, गीतको मिक्सीङ माष्टरीङ साजन शाह, क्यामरा सुरेश श्रेष्ठको रहेको छ।
डिलाईटेड नेपालले सबै मिडियाकर्मी टिभि, एफएम, संचारकर्मिलाई यो दृष्टिबिहीनहरुको माया संझेर सबै समक्ष गीत पुरु्याईदिन हार्दिक अनुरोध गरेको छ ।
प्रकाशित मिति: शुक्रबार, असार १७, २०७९ १७:०३
