काठमाडौं। नेपाली चलचित्र उद्योगमा कुनैबेला ब्लक बस्टर फिल्म दिन सफल नायिका अनिता केसीले धेरै बर्षपछि फिल्म हलमा गएर चलचित्र हेरेकी छन् ।
विसं.२०७२ साल बैशाख १० गते नेपालमा महाभूकम्प गएयता थलिएको नेपाली चलचित्र उद्योगमा आश गरिएको चलचित्र कैदीको पत्र हेर्न नायिका केसी हलसम्म पुगेकी हुन्।
नेपाल वाहिर प्रवास बेलायतवाट निर्माण भएको चलचित्र कैदीको पत्र बुधवार हेरेपछि प्रतिक्रिया दिदै नायिका केसीले चलचित्र कैदीको पत्र "अमेजिङ फिल्म" भएको बताइन् ।
फरक कथावस्तुमा फरक परिवेशमा नेपाली फिल्ममा शुरुका ३५ प्रतिशत त अंग्रेजी भाषा मात्र भएको गजबको चलचित्र भएको आफूले पाएको नायिका केसीको भनाई रह्यो।
यसप्रकारको नेपाली फिल्म हालसम्म नहेरेको बताउदै यस चलचित्रका निर्देशक सनम कुमार बैरागले चलचित्र कैदीको पत्रलाई अब्बल बनाउन ठूलो मेहनत गरेको प्रतिक्रिया पनि नायिका केसीको छ ।
बेलायतवासी नयाँ कलाकारहरुवाट बेजोड अभिनय गराउन सफल चलचित्र कैदीको पत्रको त्यस्तो खासै नराम्रो पक्ष नभएको तथा सवै पक्ष बेजोड नै भएको बताउने नायिका केसीले चलचित्र कैदीको पत्रको ३५ प्रतिशत भाषा अंग्रेजी भएको स्थानमा नेपाली सबटाइल राख्नुपर्ने सल्लाह तथा सुझाव भएको बताइन् ।
त्यस सल्लाह तथा सुझावलाई निर्देशक बैरागले तत्काल स्वीकार गर्दै चाँडै नै सबटाइटलिङ गर्ने भनेका छन्।
बेलायतका ख्यातिप्राप्त नेपाली साहित्यकार ईश्वर मानन्धरको अमर कृति कैदीको पत्रमा आधारित चलचित्र कैदीको पत्रमा एक युवक, उसको वरपर संवन्धित हुने व्यक्तिहरु र प्रेम सम्बन्धमा आउने उतार चढावलाई चित्रण गरिएको छ।
प्रेम र रोमान्सको कथामा बनेको चलचित्रले जीवनमा पाएको खुशीलाई सम्हाल्न नसक्दा मानिसले व्यहोर्नुपर्ने उतारचढाव र भोग्नुपर्ने कठिनाइलाई चित्रण गरेको। चलचित्र कैदीको पत्रमा समावेश सबै गीतमा शब्द, चलचित्रको पटकथा तथा संवाद पनि निर्देशक बैरागले नै लेखेका हुन् ।
चलचित्र कैदीको पत्रमा कुनाल विश्व र ब्रिटिश अभिनेत्री म्याडिसन लाजारस, सलिना थापा मगर, पृथ्वीराज खत्री, सुवर्ण थापा, मनिष श्रेष्ठ, सुस्मिता थापा, क्यारी डोड्स, किरण कार्की, चरण प्रधान, बिजेता श्रेष्ठ, फौस्तास तलग्का, लारेनवेस्टबरी, तपस्या शिवाकोटी लगायतका नेपाली तथा ब्रिटिश कलाकारको अभिनय छ । दिल घले, नानी बैराग, कैलाश बिश्वकर्मा र हिराल जोशी निर्माता हुन् ।
