काठमाडौं। मिसेस नेपाल टुरिज्म तथा Mrs. Tourishm World 2020 विजेता एवम् अब्बल अभिनेत्री समेत रहेकी शिलाष्मा हमाल यो समरमा आम मानिस जस्तै खुलेकी छन्।
हरेक बर्षको समरमा फरक शैलीमा प्रस्तुत हुदैआएकी Mrs. Tourishm World हमाल यो बर्ष भने, अघिल्ला बर्षहरुमा भन्दा अझ बेग्लै रुपमा खुलेकी छन्।
सुन्दरताको प्रतिमूर्ति नै मानिएकी मिसेस हमालले आफूलाई यो बर्ष ट्याटु सुन्दरीको रुपमा प्रस्तुत गरेकी छन्। छातिमा ट्याटु खोपाएर शारीरिक सुन्दरतामा थप चाँद थप्ने कार्य मिसेस हमालवाट भएको हो।
एकातिर चर्को घामले बाहिर निस्कनै मुस्किल हुन्छ। अर्कातिर गर्मीबाट बच्न र ट्रेन्डी देखिनुपर्ने हुन्छ । गर्मीको फेसनमा सबैभन्दा पहिला सहजतामा ध्यान दिनुपर्छ ।
जुन पहिरन आफूलाई सहज लाग्छ त्यही छनोट गर्नुपर्ने धारणा वनाउदै आएकी मिसेस हमालको ट्याटु पछिल्लो फेसनेबल प्रस्तुति पनि हो। फेसनका अत्यन्त पारखी समेत रहेकी शिलाष्मा हमालको अनुभवमा पछिल्लो समय ८०–९० ताकाको फेसन दोहरिन थालेको छ ।
फेसनमा नयाँ प्रयोग हुने भन्दा पनि पुरानोको पुनरावृत्ति हुने क्रम बढी चल्छ । अचेल बेली पाइन्ट लगाउने चलन छ । प्रिन्टेड सर्ट, बेली पाइन्टको फेसन पुनः दोहोरिएको छ । त्यस्तै ट्याटु सुन्दरता पनि पुरानै पिता–पूर्खाको फेसन हो।
पुरातन युगमा ट्याटु खोपाउनाले स्वर्गमा बेचेर खान पाइने भन्ने धारणावाट पिता–पूर्खाका समयमा ट्याटु खोपाउने प्रचलन रहेको थियो। त्यो प्रचलन हाल आएर फेसनको रुपमा विकास भएको भनाइ पनि मिसेस हमालको छ।
समर फेसनमा सबैभन्दा उपयोगी सेतो रंग हो । यो मौसमको सदाबहार रंग हो । गाढा रंग गर्मीका लागि उपयुक्त हुँदैन । यसले झन् गर्मी महसुस गराउँछ । सेतो रंगका पहिरन लगाउँदा शीतल महसुस हुन्छ ।
सूर्यको परावैजनी किरणलाई परिवर्तित गर्ने भएकाले यो रंगको पहिरनको छनोट राम्रो हुने खुलासा पनि अभिनेत्री हमालले गरेकी छन्। उनका अनुसार, पूरै सेतो पहिरन मन नपराउनेहरूले सेतोसँग पिंक, एक्वा, लेमन एल्लोको संयोजन मिलाएर लगाउन सक्छन ।
यो मौसममा कालो, बैजनी, नीलो, रातो, हरियो रंगको साटो हल्का रंगको पहिरन छनोट गर्नुपर्छ । हल्का रंगले शीतल अनुभव गराउँछ।
स्ट्रबेरी आइस, गुलाबी रंगको सेड्स, पहेंलो र हरियो रंगको हल्का पेस्टल सेड्सको पहिरनले आकर्षक र प्रभावशाली देखाउँछ । त्यस्तै, क्रिम, एक्वा, सी ग्रिनजस्ता रंगले गर्मीमा राहत दिन्छन्।
