काठमाडौं। लोकगीत तथा लोकदोहरी नेपाली लोक संस्कृति हो। यो नेपालको मौलिक संस्कृति हो। नेपालको ग्रामीण तथा हिमाली भेगलगायत सहरी क्षेत्रमा समेत लोकगीत नसुन्ने कोही छैनन् ।
अहिले विदेशमा पनि लोक गीत–संगीतको ठूलो माग छ । वैदेशिक रोजगारीमा जानेहरू प्रायः ग्रामीण भेगकै हुन्छन् जसलाई लोकभाका नै मन पर्छ। नेपालमा पप र्याप सुन्नेहरू पनि लोक संगीतका प्रशंसक छन् । जसमा नेपाली मन तथा परिवेश गुञ्जिएको हुन्छ।
यिनै नेपाली मनको अनि नेपाली माटोको लोक गीत तथा लोकदोहरीलाई मूलधारको सांगीतिक कर्म गर्दै आएकी बुलन्द गायिका संगीता पौडे्लको पछिल्लो लोकभाकामय जाडो भए पछ्यौरी तान बोलको लोकदोहरीको भिडियो सार्वजनिक भएको छ।
युवा पुस्तालाई लक्षित गरेर निर्माण भएको जाडो भए पछ्यौरी तानमा गायिका संगीता पौडे्लको मौलिक लोकगायन मात्र नभइकन मौलिक लोक संगीत पनि हो। यस गीतमा अर्जुन सेञ्चुरी आभासको लोकभाका रहेको छ।
निशान बाँनियाको निर्देशन रहेको भिडियोमा लोमस शर्मा,आयुष्मा कार्की देखि तेजेन्द्र गौतम, अनामिका कार्की, विक्रम नेपाली,फरिता खड्कासम्मको बेजोड अभिनय छ।
विसं.२०७१ सालदेखि लोकगीत तथा लोकदोहरी गायनमा आवाज बुलन्द गर्दैआएकी गायिका संगीता पौडे्लले हालसम्म दर्जनौ लोकगीत तथा लोकदोहरी गाइसकेकी छन्।
यसअवधिमा लोकगीत तथा लोकदोहरी गायनका बुलन्द गायकहरु पशुपति शर्मादेखि बद्री पंगेनीसम्मसंग युगल गीत गाइसकेकी उनी गायिका मात्र नभइकन प्रखर संगीतकार पनि हुन्।
प्रकाशित मिति: आइतबार, वैशाख ३१, २०८० २०:०४
