ललितपुर । चुप लागेर बस्नै नसक्ने विलक्षण प्रतिभाका धनी कलाकार स्वतन्त्र संसार महर्जनले शनिवार बहुआयामिक नयाँ कार्य गरेका छन्। खोकनाको कार्यविनायक स्थित खोकना पार्टी भेन्युमा आयोजित भव्य कार्यक्रममा नयाँ सोच अनि खोज अनुरुप अनुपम कार्यक्रम कलाकार महर्जनवाट भएको हो।
कलाकार महर्जन अध्यक्ष तथा महाप्रवन्धक रहेको संसार्स अनलाइन टेलिभिजनको आयोजनामा भएको संसार्स अनलाइन सिङ्गिङ स्टार २०२०–०२१ को फाइनलिष्टको अफिसियल सङ ह्याण्डओभर प्रोग्राम नामवाट कार्यक्रम भएतापनि बहुआयामिक कार्यक्रम नै संपन्न गर्न र गराउन कलाकार महर्जनलाई सफलता मिलेको छ।
शारीरिक रुपमा कठिनाइ देखिएका कलाकार महर्जनको आत्मबल तथा आँट अनि धैर्य र लगनशीलताको परिणाममा संसार्स अनलाइन टेलिभिजन परिवारको पूर्ण सहयोग तथा साथले कार्यक्रममा सफलता मिलेको हो। फाइनलिष्टहरुलाई अफिसियल सङ ह्याण्डओभर गर्नुको अलावा कलाकार राजु महर्जन जुजुको कविता संग्रहको विमोचन, नेवाःसुपरस्टारहरुलाई सम्मान तथा नेवाःआइडलको पनि सम्मान लगायत गीतकार आनन्दरत्न बज्राचार्यको गीत तथा युगिन अभिनेता पवन जोशीको निर्देशनमा निर्मित राजमति मखु जि बोलको गीतको भिडियो रिलिज गरिएको थियो।
कार्यक्रममा नेपाली साहित्य र चलचित्रका अनुपम नक्षत्र प्रकाश सायमीको प्रमुख आतिथ्यता तथा नेपालभाषा चलचित्रका प्रथम चलचित्र पत्रकार विजयरत्न तुलाधर लगायतको आतिथ्यता रहेको थियो । नयाँ प्रतिभाको खोजी तथा अग्रजको सम्मान गर्ने कलाकार महर्जनको सोच तथा खोजवाट निरन्तर यस्ता बहुआयमिक कार्य हुदैआएको छ। निकट भविष्यमा पनि यस्ता कार्यक्रमहरु निरन्तर गर्दैजाने प्रतिबद्धता पनि कलाकार महर्जनले व्यक्त गरेका छन्।
प्रकाशित मिति: शनिबार, असार ९, २०८० २२:४४
