काठमाडौँ । प्रधानमन्त्री पुष्पकमल दाहाल ‘प्रचण्ड’ ले जहाँ भएपनि नेपाली मन, भाव, संस्कृति, र नेपाली भाषाप्रति गर्व गर्नुपर्ने बताएको छ।
इन्ट्रा फाउण्डेशनले आयोजना गरेको भ्वाइस युनिभर्स र डान्स युनिभर्सको ग्राण्ड फिनाले कार्यक्रमलाई सम्वोधन गर्दै उनले कला र संस्कृतिलाई आफ्नो ठाउँबाट पहिलो चोटी प्रधानकन्त्रीको हैसियतले अगाडी बढाउन सक्दो सहयोग गरेको स्मरण गर्दै आगामी दिनमा पनि सहयोग गर्ने प्रतिबद्दता व्यक्त गरेको हो ।
प्रधानमन्त्री दाहालले भने, “ग्राण्ड फिनाले कार्यक्रमले आज एउटा बलियो सन्देश विश्वभरी सम्प्रेशित भएको छ, एउटा ठूलो सन्देश गएको छ, अभियानको सुरुवात कर्ता हुनुको नाताले हामी सम्पूर्ण नेपालीहरु पनि अभियानमा संलग्न सबैप्रति साचिकै हृदयदेखि आभार व्यक्त गर्न पनि चाहन्छौँ ।” ग्राण्ड फिनाले कार्यक्रम साच्चिकै गर्व गर्न लाएक रहेको र कलाकारहरुले अदिप्दीय कला प्रदर्शन गरेको उनको भनाइ छ ।
“जसरी कला, साहित्य र संस्कृति, बढी भावना र संवेदनसित हुन्छ र धेरै शक्तिशाली हुन्छ, त्यसले मानिसहरुलाई जोड्छ, एकतालाई सुध्रृण गर्छ, आफ्नो पहिचानलाई विश्वव्यापी रुपमा स्थापित गर्छ यो ग्राण्ड फिनाले कार्यक्रम हेर्दै गर्दा प्रस्तुति सुन्दै गर्दा गर्व लागेको छ।” कार्यक्रमले संसार भरी रहेको नेपालीहरुलाई भावनात्मक रुपले, सांस्कृतिक रुपले, संवेदनाको हिसावले इतिहासको रुपले एक ठाउँमा जोडेको प्रधानमन्त्रीको भनाइ छ ।
प्रतिनिधि सभाका सभामुख देवराज घिमिरेले संसारको जुन कुनामा भएपनि नेपाली कला, भाषा, साहित्य र संस्कृतिलाई अगाडी बढाउनुपर्नेमा जोड दिए।
परराष्ट्रमन्त्री एनपी साउतले नेपाली कला संस्कृतिको संरक्षणमा जोड दिएका थिए भने सिक्मिम सरकार भारतका कृषि तथा बागमनीमन्त्री लोकनाथ शर्माले संसारका मानिसहरुलाई कला र संस्कृतिको माध्यमबाट एकै ठाउँमा जोड्ने काम गरेको बताएका थिए।
प्रकाशित मिति: आइतबार, भदौ ३, २०८० ०९:२४
-1777773700.jpg)
