काठमाडौं। फिजियो थेरापी मार्फत नेपालको स्वास्थ्य क्षेत्रमा अब्बल योगदान दिँदै आएकी स्वास्थ्यकर्मी सुनिता भट्टराई अव गायिका पनि बनेकी छन्।
नेपाली हिन्दू नारीहरुको महान पर्व तिजको अवसरमा सार्वजनिक भएको 'तिज बब्बाल' गीतबाटै गायनमा स्वास्थ्यकर्मी भट्टराईको डेब्यु भएकाे हाे।
स्वास्थ्यकर्मी भट्टराईले गाएको तिज गीतको बोल नै 'तिज बब्बाल' तिमी बब्बाल–म नि बब्बाल रहेको छ। जसमा गायिका भट्टराईलाई युगल गायनमा गायक कर्साङ लामाले साथ दिएका छन्।
नेपाली चलचित्र उद्योगमा एकताका अत्यन्त ख्यातिप्राप्त अभिनेत्री प्रिया रिजालको लामो समयपछि गायिका भट्टराईको 'तिज बब्बाल' गीतको भिडियोवाट कमब्याक भएको छ। साथमा रोहित रुम्बा, गायिका भट्टराई, सरोज शर्मा लगायतका कलाकारहरुको उर्जावान अभिनय हेर्न पाइन्छ।
गीतको भिडियो निर्देशन जनकवहादुर कार्कीले गरेका हुन् भने गीतको शव्दसंगीत टेकेन्द्र कार्कीको रहेकाे छ। निर्माण तिरुपति पिक्चर्सका लागि सरोज शर्मा र सुनिता भट्टराई गरेका छन्।
प्रकाशित मिति: आइतबार, भदौ २४, २०८० २१:१६
