काठमाडौं। युगिन अभिनेता तथा निर्देशक पवन जोशी निर्देशित नयाँ म्युजिक भिडियोको छायाँकन संपन्न भएको छ।
एक पछि अर्को म्युजिक भिडियो निर्देशन गरेर रेकर्ड कायम गर्दैआएका निर्देशक जोशी निर्देशित मोहनी मन्त्र बोलको गीतको भिडियोको छायाँकन संपन्न भएको हो।
सांस्कृतिक नगरी ललितपुरको सानागाउँमा छायाँकन संपन्न भएको मोहनी मन्त्रमा विशेषत् एकाइसौ शताव्दीमा पनि युवा पुस्तामाझ फैलिएको मोहनी मन्त्रको भ्रमका विषयमा विषय उत्थान गरेर भिडियोमा कथावस्तु बुनिएको जानकारी निर्देशक जोशीले दिएका छन्।
निर्देशक जोशीका अनुसार, मोहनी मन्त्र नेपालभाषामा निर्माण भएको छ। जसमा दर्जनौ कलाकारहरुको बुलन्द अभिनय छ। विशेष भूमिकामा आपतकी देवी मानिएकी इन्दु ज्यापुनी र कलाकार प्रविन अमात्यको अभिनय रहेको छ।
उक्त गीतको संगीत तथा एरेन्ज बरिष्ठ संगीतकार अनिल तुलाधरले गरेका छन्। गीतको रचना निर्देशक जोशीकै रहेको छ। गायन नव गायक एलन शाहीको रहेको छ। मोहनी मन्त्र गायक एलन शाहीको पहिलो रेकर्डको गीत पनि हो ।
गीतको रेकर्ड, मिक्सीङ र माष्टरिङ विजय मास्कीले गरेको जानकारी पनि निर्देशक जोशीले दिएका छन्।
मोहनी मन्त्र गीतलाई सम्पदा संरक्षण संस्था सानो पाइलाले निर्माण गरेको हो।
प्रकाशित मिति: आइतबार, भदौ ३१, २०८० १३:५०
