काठमाडौं। नेपाली हिन्दू महिला दिदीबहिनीहरुको महान पर्व तिजको अवसरमा मनाइने तिज पर्व साह्रै भडकिलो भयो भनेर केही बर्षयता आरोप आएको छ। महंगा महंगा पार्टी-प्यालेस तथा होटलहरुमा गएर खाइने तिजको दरखाने परम्पराको त अझ विरोध हुंदैआएको हो।
जसको कारण तिज पर्व ज्यादै भड्किलो भयो भनेर भनिरहेको वर्तमान अवस्थामा तिजलाई शालिन तौर-तरीकावाट मनाउन सन्देश सहितको तिजको गीत सार्वजनिक भएको छ।
गायिका स्वेता उप्रेती र मञ्जु सेढाईको युगल गायन रहेको यो तिजमा छमछमी बोलको तिज गीत विश्वव्यापी सार्वजनिक भएको छ।
जसमा दुई गायिकाका साथमा पुरानी बुलन्द अभिनेत्री काली सेढाईको यो तिज गीतवाट अभिनयमा कमव्याँक भएको छ। साथमा सामाजिक अभियन्ता मञ्जु महर्जनको समेत विशेष अभिनय छ।
सुरेन्द्र श्रेष्ठको संगीत तथा एरेञ्ज रहेको यस तिज गीतको भिडियो निर्देशन नेपालभाषाका सुपरस्टार रुपेन श्रेष्ठ र राज महर्जनले गरेका हुन्।
प्रकाशित मिति: आइतबार, भदौ ३१, २०८० १४:३१
