काठमाडौं । देशभक्तिको भावले भरिपूर्ण नेपाली फिल्म 'काँडेतार' देशभर प्रदर्शनको पूर्वसंघारमा आइपुगेको छ।
राष्ट्र र राष्ट्रप्रेमी सारा देशवासीको मनमुटुसँग तातो रगतको नाता गाँसिएको अगाध देशप्रेमयुक्त मार्मिक कथामा आधारित फिल्म 'काँडेतार' अब यहि फागुन २५ गतेबाट देशभरका फिल्महलहरुबाट एकैसाथ भव्य प्रदर्शन हुँदैछ।
अहिलेसम्म नेपालको इतिहासमा बनेका जतिपनि राष्ट्रबादी फिल्महरु बनेका छन् ति मध्येकै जिउँदो कथावस्तुमा निर्माण भएको उत्कृष्ट मानिएको छ फिल्म 'काँडेतार'।
त्यसैकारणले पनि देशभरका राष्ट्रप्रेमी जनताहरु फिल्म 'काँडेतार' कहिलेदेखि प्रदर्शनमा आउने हो ? भनेर वडो कौतुहलता र उत्सुक्ताकासाथ प्रतिक्षाको घडिमा आतुर रहेका छन्।
फिल्म 'काँडेतार' को मूल मर्म नै नेपाल-भारतबीचको सीमानामा काँडेतार लगाउनुपर्ने रहेको छ। जबसम्म दुईदेशविचको सीमानामा काँडेतार वार लगाइन्न तवसम्म विदेशीको भूमि विस्तारवादबाट नेपाल र नेपाली जनता कहिल्यै सुरक्षित रहन्न भन्ने मार्मिक जनअन्तरकथा र व्यथा छर्लड्गै झल्किन्छ।
विदेशीको भूमि मिचाहा प्रवृत्तिबाट विचलित बनेका नेपाली जनता आँशुको भेलमा र पानीको तालमा डुवि नै रहन्छ भन्ने मार्मिक सन्देश उजागर गरेको छ।
अब सारा नेपाली चुप लागेर बस्ने होइन त्यसका विरुद्ध बुलन्द आवाजकासाथ प्रतिपाद गर्न दिलोज्यान दिएर तम्तयार रहनु पर्ने सन्देश प्रवाह 'काँडेतार' ले गरेकोे छ।
प्रदर्शनको पूर्वसंघारमा रहेको फिल्म 'काँडेतार' ले हामी मात्र होइन कि विश्वमा रहेका हामी जस्ता अन्तरदेशीय भूमि विस्तारवादबाट पीडित देशहरुलाई समेत सचेत गराएको छ।
यसरी निर्माण भएको फिल्म 'काँडेतार' को नायक, निर्माता र कलाकारहरु को होलान ? भनेर दर्शक स्रोताहरुमाझ पनि उत्तिकै कौतुहलता छाएको छ जसमा नायक उनै हुन् जसले दर्जनभन्दा बढी राष्ट्रवादी फिल्महरु निर्माण गर्ने स्वयं नायक मूख्य पात्र राष्ट्रवादी नायक नवल खड्का।
त्यस्तै, फिल्मको कार्यकारी निर्माता एवं गायनमा रहेकी छन् नेपाली गीत संगीत क्षेत्रका मुर्धन्य कलाकार गायिका सत्यकला राई जसलाई सारा देशीविदेशी नेपालीले नचिन्ने कोही छैनन्।
यो नै उत्कृष्ट 'काँडेतार' फिल्मको पहिचानको पाटो हो भने फिल्मको निर्माताहरुमा माकिको राई, नादिया खड्का, सनया खड्का र अञ्जु केसी रहेका छन्।
देशभक्तिले ओतप्रोत फिल्म 'काँडेतार' को कलाकारहरुमा राष्ट्रवादी नायक नवल खड्काकासाथमा रेविका गुरुङ, सुरविना कार्की, गौरव पहारी, मुरलीधर, प्रेम सुब्बा, परशुराम चौधरी, सञ्जय खतिवडा, राजेन्द्र भगत, पन्नालाल सिकदार, प्रकाश गिरीका साथै बाल कलाकार नादिया खड्का र सनया खड्काको अभिनयले तरङ्गीत बनाएको हामीले पाउने छौ।
सामना फिल्म्स प्रा लिको ब्यानरमा निर्मित यस फिल्म 'काँडेतार' को कथा लेखन शिवम् अधिकारी र नायक नवल खडकाले गरेका हुन् भने मणि थापा र दीपक शर्माकोे संगीत र छायांकन सौरभ लामाले गरेका हुन्।
'काँडेतार' फिल्म निर्माणदेखि प्रचारप्रसारको क्रममा आइपरेका विभिन्न बाधा अड्चन र अबरोधहरुलाई चिर्दै 'च्यारिटी शो' 'प्रिमियर शो' हरु र हस्ताक्षर कार्यक्रमहरु समेत देशभरमा भव्य रुपमा सम्पन्न गरिसकिएको र फिल्म हेरिसकेपछि निदाएका नेताहरुको पनि चेत खुल्नेमा आफू विश्वस्त रहेको राष्ट्रवादी नायक खडकाले वताए।
फिल्मी क्षेत्रबाट खारिएका राष्ट्रवादी नायक नवल खडकाले यसअघि 'दशगजा, 'भिमदत्त' र 'आवाज' जस्ता अब्बल दर्जाका राष्टवादी चलचित्रहरु निर्माण गरेर नेपाली जनमानसमा आफूलाई एक अब्बल र कुशल नायकको रुपमा सत्य सावित गरिसकेका छन्।
-1777773700.jpg)
