काठमाडौं। कमेडी किङ मदनकृष्ण श्रेष्ठले कुलमान घिसिङलाई बेवास्ता गरेकोमा आक्रोश पोखेका छन्। जनजनले मनपराएको अनि उज्यालो अभियानका मसिहा नै मानिएका नेपाल विद्युत प्राधिकरणका कार्यकारी निर्देशक कुलमान घिसिङको भाद्र २९ गते चार बर्षे कार्यकाल सकिदा समेत पूनःनियुक्त गर्ने कार्य नगर्दा कमेडी किङ मदनकृष्ण श्रेष्ठले आक्रोश पोखेका हुन।
जनताको सरकार भएको भए, जनताले अपार मन पराएको मान्छेको पूर्नरनियुक्तिका लागि जनतावाट त्यति धेरै दबाब आउंदा पनि सरकारले नियुक्ति नगर्नु भनेको जनादेश नमान्नु बराबर हो भनेर कमेडी किङ मदनकृष्ण श्रेष्ठले भनेका छन्। जनताको लागि काम गर्ने जनताको सरकार बन्ने कति धेरै आशा र विश्वासका साथ जनताले आन्दोलन गरेर स्थापना गरेको सरकारले जनताको भावना र चाहना नबुझ्नु दुःखद कुरा हो भनेका छन्।
त्यसमाथि, कोरोना संक्रमणको विषम परिस्थितिमा कोरोनावाट बच्न र बचाउन भनेर लकडाउन मात्र गर्न जानेको सरकारले जनताको लागि न्यूनतम आधारभूत आवश्यकताको राहत सहयोग उपलव्ध नगराएको भनेर तिव्र रोष पनि प्रकट गरेका छन्। भारत लगायतका अन्य देशहरुले लकडाउनको बेला आफ्ना जनताहरुलाई कम से कम भोटर कार्डवाट पनि सवैलाई राहत उपलव्ध गराएर सहयोग गरेको अवस्थामा नेपालमा सरकारले त्यति पनि नगरेको अवस्थामा जनताको सरकार भनेर कसरी भन्ने भनेर प्रतिप्रश्न गरेका छन्।
प्रकाशित मिति: मंगलबार, भदौ ३०, २०७७ १९:३०
