काठमाडौं। प्रेम सम्मान हो, विश्वास हो अनि अहिलेसम्म यो पृथ्वी बाँच्नुको कारण हो। मायाका नाममा कुनै दुर्व्यवहार नगरौं, मायाको सम्मान गरौँ अनि मायाको पहिचान बनाऔं। बलजफ्ती प्राप्तिको लालसा माया कदापि हुनै सक्दैन, त्यो अपराध हो, अपमान हो। आकर्षण त फेरि सक्किएला तर अचानक एकले अर्कोप्रति समर्पण गरेको अनुभूति जुगौँजुग अमर भई बाँच्नेछ। प्रेमलाई केवल प्रेमीप्रेमिकासँग मात्र के जोड्नु, संसारै मायामै अड्केको छ।
यो मायामा अड्केको संसारमा माया बाँच्ने आधार मात्र नभइकन उत्प्रेरणा पनि भएको जिकिर सामाजिक अभियन्ता सुशीला थापाको ठहर छ । थापाको बुझाइमा संसारमा स्वर्ण अक्षरले कुदिएका प्रेमकथाहरु संयोगान्त भन्दा वियोगान्त छन। अर्थात माया सहज छैन, उदाहरणका लागि भगवान श्रीकृष्ण अनि राधाबीच समेत विवाह भएको थिएन, मुनामदन, हिर र राँझादेखि रोमियो अनि जुलियट सम्मले समेत संयोगान्त कथा कोर्न सकेनन् तर यी प्रेमी जोडीलाई आज पनि संसारले आदर र महत्वकासाथ प्रेमील मनमा अमर राखेका छन् केवल चोखो मायाका कारण। मनै त हो, स्विकारिए पनि या अस्वीकार भए पनि आत्तिने अनि मात्तिने नगरौं । प्रेमिल संसारलाई प्रेमिल बनाउनुपर्ने अवधारणा स्वरुप एक दशकदेखि निरन्तर सुन्दरताको वकालतमा थापा रहेकी छन्।
मिसेस क्वीन नेशनल २०२४ को विजेता विना श्रेष्ठ र मिस क्वीन नेशनल २०२४ विजेता प्रकृति पौडेलका साथमा सुशीला थापा
सुन्दरताको वकालतमा विवाहिता तथा अविवाहिता महिलाहरुको शारीरिक सुन्दरताभन्दा बौद्धिक सुन्दरताको वकालत गर्दैआएकी थापा महिलामा आवरणको शारीरिक सुन्दरताभन्दा उनमा बौद्धिक सुन्दरता हुनु महत्वपूर्ण कुरा हो भन्छिन्। त्यही सुन्दरताले मानव इतिहासमा नारीले विश्व हाँक्न सफलता प्राप्त गरेको कयन उदाहरण भैसकेको कुरामा थापाले जोड दिएकी छन्। नारी सुन्दरताको सौन्दर्य प्रतियोगितामा बाह्य आवरणको सुन्दरताको होडबाजीभन्दा बौद्धिक सुन्दरताको होडबाजी आफूले गर्दैआएको पनि उनले खुलासा गरेकी छन्।
यसक्रममा गत असोज १० गते विहीवार काठमाडौंको जमलस्थित राष्ट्रिय नाचघरमा भव्य तथा सभ्य समारोह वीच मिस एण्ड मिसेस नेशनल क्वीन २०२४ को आयोजना गर्ने कार्य थापावाट भएको छ। विवाहिता तथा अविवाहित महिलाहरुको बाह्य सुन्दरतालाई भन्दा बौद्धिक सुन्दरतालाई बढावा दिएर थापाले आयोजना गरेको उक्त मिस एण्ड मिसेस नेशनल क्वीन २०२४ ताज मिस प्रकृति पौडेल र मिसेस विना श्रेष्ठले प्राप्त गरेकी छन्।
मिसेस क्वीन नेशनल २०२४ को विजेता विना श्रेष्ठ
सामाजिक अभियन्ता सुशिला थापाको ओशिस इन्टरटैनमैैन्ट एण्ड इभेन्ट्स हवको प्रस्तुतिमा मिस एण्ड मिसेस नेशनल क्वीन–२०२४ आयोजना भएको हो। मिसतर्फको फिनालिष्टमा ५ प्रतिष्पर्धीहरुलाई उछिन्दै प्रकृति पौडेल विजेता बन्न सफल भएकी हुन् भने मिसेसतर्फको फिनालिष्टमा १५ प्रतिष्पर्धीहरुलाई उछिन्दै विना श्रेष्ठ विजेता बनेकी हुन्।
त्यस्तैगरी मिसतर्फ आकृति गुरुङ्ग फष्ट रनरअप, टिका कार्की मोष्ट पपुलर र कोपिला घर्ती अर्गानाइजर च्वाइसको उपाधि जितेका छन् भने मिसेसतर्फ एलिना उप्रेती फष्ट रनरअप, रमा सेजाल सेकेण्ड रनरअप, अनिषा मल्ल अर्गानाइजर च्वाइस र मेनुका प्रधानले पब्लिक च्वाइसको उपाधि प्राप्त गरेकी छन्।
मिस एण्ड मिसेस नेशनल क्वीन–२०२४ कार्यक्रम ओशिस इन्टरटैनमैैन्ट एण्ड इभेन्ट्स हव र ब्राइट फ्यूचर डान्स सेन्टरको संयुक्त आयोजनामा सम्पन्न भएको हो। विजेता प्रतियोगीहरुलाई थाइल्याण्ड टुर प्याकेजमा सहभागी गराइनुको साथै उपाधिको ताज पहिर्याई सम्मान प्रमाणपत्र प्रदान गरिएको थियो।
आयोजित कार्यक्रम चलचित्र विकास बोर्डको नवनियुक्त अध्यक्ष दिनेश डिसीको प्रमुख आतित्थ्यतामा उद्घाटन गरिएको कार्यक्रममा नेपाली चलचित्र क्षेत्रका ख्यातीप्राप्त नायक–नायिका, गायक–गायिका, मोडल, रङ्गकर्मी, व्यवसायी, समाजसेवीलगायत पत्रकारहरुको उल्लेख्य उपस्थिति रहेको थियो।
उपस्थित कलाकारहरुमा सञ्चिता शाही, सम्झना बुढाथोकी, शर्मिला शर्मा, नितु कोइराला, सिलाष्मा हमाल, विमला गिरीको उपस्थिति रहेको थियो। त्यस्तैगरी गायक विनोद ढकालले स्टेजमा दमदार गायन प्रस्तुत गरेर उपस्थित अतिथिहरुलाई आनन्दित तुल्याएका थिए।
निर्णायक मण्डलमा पुनम पौडेल, अनिता केसी, अमृत भण्डारी, सुनितामी परियार र सुमिना श्रेष्ठ रहेको थियो । कार्यक्रमको सञ्चालन नेपालका ख्यातीप्राप्त उद्घोषक रोजिन शाक्यले गरेका थिए भने कोरियोग्राफीमा सनिस शाक्यले गरेका थिए।
ओशिस इन्टरटैनमैैन्ट एण्ड इभेन्ट्स हवका कार्यकारी प्रमुख सुशिला थापा, प्रबन्ध निर्देशक चण्डिका केसी र सुशान्त आर टी ले कार्यक्रम भब्य र सभ्यरुपमा सम्पन्न भएको घोषणा गर्दै विजेता प्रतियोगीहरु बधाई ज्ञापन गरेका थिए । कार्यक्रम भव्य तथा सभ्यरुपमा सफल भएको अवसरमा आयोजक थापाले विशेष सक्सेस पार्टीको आयोजना गरेर विजेताहरुको सम्मान गर्ने कार्य पनि भएको थियो ।
Source-NAMI Saptahik
प्रकाशित मिति: आइतबार, कात्तिक ४, २०८१ १८:३१
