काठमाडौं । सत्यवादी सोँचका धनी वरिष्ठ अधिवक्ता तथा संविधानविद् डा भीमार्जुन आचार्यले आफ्ना ममतामयी आमाको स्मृतिमा बजारमा एक नयाँ गीतिभिडियो सार्बजनिक गरेका छन् ।
डा आचार्यले आमाको स्मृतिमा आफ्नै शब्द, स्वर तथा संगीतमा निर्मित "आमा-सम्झि रहेँ रातै भरि..." बोलको गीति भिडियोलाई उनकै भिमार्जुन आचार्य युट्युवच्यानेलमार्फत सार्बजनिक गरेको हो ।
बहुप्रतिभाशालीका पर्याय, स्वर, शब्द, संगीत र संविधानका सकल भण्डार डा. आचार्यको यस गीतिभिडियोमा साँच्चिकै ममतामयी आमाप्रतिको अमूल्य श्रद्धाभक्तिको वर्षात नै दर्शाइएको छ। यो उनको मात्र नभई संसारकै आमाहरुप्रतिको यो प्रतिक कै रुपमा लिन सकिन्छ। जुन यस गीतिभिडियोमा यथार्थता पाइन्छ।
यस संसारबाट आमाले अलविदा लिँदाकाे अवस्थामा आफ्ना छोरा-छोरीलाई कतिसम्म पीडा हुँदा रहेछन् भन्ने मायारुपी बन्धनलाई उजागर गरेको पाइन्छ। गीत सम्पूर्ण मानवजातीकै मानसपटल विझ्नेगरी निर्माण भएको छ ।
गीतिभिडियाे ज्यादै हृदयविदारक तथा मार्मिक शैलीमा रहेको छ । स्वर, संगीत र शब्दमा निखारपन रहेको शब्द रचनाकार डा आचार्यको यस गीतिभिडियोले सायद कमैको मात्र मन नछोलान भन्न सकिन्न ।
संविधानविद् डा आचार्यले 'अर्जुन मिलन'को नाममार्फत विभिन्न साहित्यिक र सांगीतिक सिर्जनाहरु पस्किँदै आएका छन्। सधै भावसंगीतमा डुबेर गाउने डा आचार्यको 'मौनताको शहर', 'सजिलो हुँदैन जीवन', 'एउटा जीवन' र 'अतीत' गरी चार ओटा गीति एल्बम यस अघि नै नेपाली सांगीतिक बजार सार्बजनिक भइसकेका छन् ।
त्यस्तै, 'सबैले देशबाट', 'हिमालका कुरा गर्यौ', 'हासो कता भाग्यो कुन्नी', 'ढिंडो भए हुन्छ मलाई', 'मौनताको शहरमा', 'कसरी भनू तिमीलाई', 'फेरि आज यो मनमा', 'जित्नेलाई मीठो जीवन', 'मानिसको जिन्दगी यो', 'एउटा जीवन हुँ म', 'एकान्तमा आँसु बन्दै', 'आफैसँग बिरानो म', 'जीवन हो लामो बाटो' आदी उनका चर्चित अनि जीवन्त गीतहरू छन् ।
प्रकाशित मिति: बुधबार, जेठ २९, २०८२ २२:२३
