काठमाडौ । चर्चित युवा गायक नरेश खाती र सुन्दर अनि सुमधुर गायिका रचना रिमालको जोशिलो आवाजमा ‘पैसा फल्ने बुटो...’ नामक गीतभिडियो नेपाली सांगीतिक बजारमा सार्बजनिक भएको छ ।
शब्द संगीत गायक नरेश खातीकै रहेको ‘पैसा फल्ने बुटो...’ गीतभिडियोलाई मेकसम नरेश अफिसियल युट्युबच्यानेलमार्फत सर्बत्र सार्बजनिक गरिएको हो ।
निर्देशक जेरी भण्डारी र सह निर्देशक अमर रावलको निर्देशनमा बनेको गीतभिडियो कलाकारहरुमा नरेश खाती, उज्ज्वल गिरी, सञ्जना गुरुङ र रचना न्यौपाने रहेको छ भने बालकलाकारहरुमा आरुसी कार्की, युनिश घिमिरे र सुजल रसाइली रहेको छ।
अभिनय र गायनक्षेत्रमा अत्यन्तै माहिर गायक तथा मोडल नरेश खातीद्वारा निर्मित ‘पैसा फल्ने बुटो...’ गीतभिडियोमा यदि पैसा छैन भने सारा मानवीय सम्बन्धहरु विग्रियर जानुको साथै दैनिक जीवनमा अनेकौं तनावहरु भोग्नुपर्ने र दुःखमा जेल्लिनुपर्ने जस्ता मार्मिक दृष्यहरुलाई चित्रित गरिएको छ। ति दृष्यहरुलाई भिडियोमा कलाकारहरुको दमदार अभिनयकासाथ प्रस्तुतिमा छर्लङ्ग देख्न पाइन्छ।
ओजोन स्टुडियोमा रेकर्ड गरिएको यस गीतभिडियोको सम्पादन विकास धमलाले गरेका छन् । त्यस्तैगरि, सुनिल परियारको संगीत संयोजन, मिक्सिङ विनोद परियारको हो भने सिनेमाटोग्राफ करण चैसिरले गरेका छन् ।
प्रकाशित मिति: बिहीबार, साउन २३, २०८२ ०८:३१
