भक्तपुर । नेपालभाषाका चलचित्रमा एक पछि अर्को ऐतिहासिक महत्व र विशेषता वोकेका चलचित्र बन्ने गरेको छ।
यसक्रममा नेपालभाषामा विलकुलै नयाँ चलचित्र "गुणकेरा-स्वाँ" को निर्माण शुभारम्भ भएको छ। नेपालभाषी समाजमा प्रेमको प्रतिक मानिएको फूल "गुणकेरा-स्वाँ"लाई प्रतिकको रुपमा चलचित्र "गुणकेरा-स्वाँ" निर्माण शुभारम्भ भएको हो।
यस प्रेममय फूलको महत्व र आवश्यकताको वारेमा युवा पुस्तालाई चिनारी दिनका लागि यस चलचित्रलाई प्रेममय बनाएर धमाधम निर्माण भैरहेको जानकारी चलचित्रका कार्यकारी निर्माता केदार प्रसाद त्वानाबासुले दिएका छ।
कार्यकारी निर्माता त्वानाबासुका अनुसार, यो चलचित्र प्रेममय मौलिक नेपालभाषी चलचित्र हो। जसमा प्रेममा "गुणकेरा-स्वाँ" अर्थात् प्रेममय फूललले ल्याएको प्रेमिल संवन्धलाई साक्षात्कार गर्ने र गराउने कार्यमा चलचित्र गुणकेरा-स्वाँ ले महत्वपूर्ण भूमिका खेल्ने निश्चित छ।
चलचित्र गुणकेरा-स्वाँको निर्देशन युवा चलचित्रकर्मी अभय श्लोकले गरिरहेका छन्। छायाँकन शैलेश श्रेष्ठको छ। त्यस्तै, कथा तुल्सी बहादुर श्रेष्ठ, पटकथा तथा संवाद जयकृष्ण दुवालको छ। निर्माण प्रस्तुति AR STAR MEDIA PRODUCTION HOUSE रहेको छ।
प्रकाशित मिति: शनिबार, साउन २५, २०८२ ०९:४१