काठमाडौं। टोखा नगरपालिकामा कांग्रेसको उम्मेदवारको आधिकारिकतामा विवाद बढेपछि प्रचारप्रसार समेत रोकिएको छ।
प्रदेश समितिले मेयरमा रजनी थापा र उपमेयरमा मुरारी तामाङलाई उम्मेदवार बनाएपछि उनीहरुले वडा अध्यक्ष र सदस्यसहित मनोनयन दर्ता गरेको हो ।
मंगलबार राती ८ बजेतिर मनिष जोशीले थापा र तामाङको मनोनयन फर्जी भन्दै अर्को मनोनयन दर्ता गराएका थिए।
स्रोतका अनुसार निर्वाचन कार्यालयले मनोनयन दर्ता गर्ने समय समाप्त भएको सूचना गरेको डेढघण्टा पछि प्रदेश महामन्त्री राजु श्रेष्ठसहित जोशी निर्वाचन कार्यालय पुगेका थिए।
थापा पक्षले निर्वाचन कार्यालयले समय समाप्त भइसकेपछि अवैध रुपमा जोशीको मनोनयन दर्ता गरेको आरोप लगाएको छ।
निर्वाचन कार्यालयले नेपाली कांग्रेसलाई उम्मेदवारीको आधिकारिता बारे स्पष्ट पार्न पत्र काटेको छ । तर कांग्रेसले जवाफ दिइसकेको छैन्।
प्रदेश अध्यक्ष इन्द्र बानियाँ थापा र तामाङको पक्षमा छन्, भने महामन्त्री श्रेष्ठ जोशीको पक्षमा छन् ।
थापालाई उम्मेदवारी फिर्ता गराउन प्रधानमन्त्री एंव सभापति शेरबहादुर देउवालाई चर्को दवाब परेको छ । महामन्त्री श्रेष्ठ देउवा निकट मात्र होइन पारिवारिक सदस्य सरह भएको दावि गर्छन् ।
जोशीले मेयरमा उम्मेदवारी दर्ता गर्दा उपमेयर भने दर्ता भएको छैन् । थापा पक्षबाट तामाङ उपमेयरका उम्मेदवार छन्।
जोशीले आधिकारिता पाएमा कांग्रेस उपमेयरको उम्मेदवार विहिन हुनेछ । एकै पार्टीबाट मेयर र उपमेयर पुरुष बन्न नमिल्ने सबैधानिक प्रावधान छ । टोखा नगरपालिकामा माओवादीसंग चुनावी गठबन्धन समेत भएको छैन् ।
रजनी र तामाङलाई चर्को दवाव
प्रदेश समितिबाट टिकट पाएर उम्मेदवारी दर्ता गरेकी रजनी थापालाई पार्टीको केन्द्रीय तहबाटै उम्मेदवारी परित्याग गर्न चर्को दवाव दिइएको छ । तर थापा पक्ष पछि हट्ने मनस्थितिमा छैन् ।
आधिकारिक टिकट पाएर उम्मेदवारी दर्ता गरेको मेयर र उपमेयरको टिमलाई उम्मेदवारी फिर्ता गराएका थिए ।
टोखा नगरपालिकामा ठुलो समुहको विद्रोह हुुने सम्भावना देखिएको छ । जसले आउँदो संसदीय निर्वाचनमा क्षेत्र–५ र ६ मा कांग्रेसलाई गम्भिर धक्का लाग्ने देखिएको छ ।
प्रकाशित मिति: बुधबार, वैशाख १४, २०७९ १५:३४
