शान्तिको लागि एकता स्थापना गर्न पहिलो राष्ट्रिय शान्ति सम्मेलन फिलिपिन्समा हुने भएकाे छ ।
उक्त पहिलो राष्ट्रिय शान्ति सम्मेलन जनवरी २५,२०२३ (बुधवार) फिलिपिन्स इन्टरनेशनल कन्भेन्सन सेन्टर (पिआइसीसी) मा हुने तय भएको हाे।
कार्यक्रममा सांसद, विश्वविद्यालयका अध्यक्ष तथा शिक्षाविद्, युवा तथा महिला अगुवाहरु, सञ्चारमाध्यम, धर्मगुरु, नागरिक समाज संगठन लगायत विभिन्न क्षेत्रबाट १ हजारभन्दा बढी सहभागी हुने अपेक्षा गरिएको छ।
मार्कोस प्रशासनको एजेन्डा अनुरूप शान्तिको माध्यमबाट राष्ट्रियए कताको प्राप्तितर्फको रोडम्याप स्थापना गर्ने उद्देश्यले “शान्तिले एक राष्ट्र, एक भविष्य निर्माण गर्छ–शान्ति यहाँ छ” भन्ने नाराकासाथ उक्त शान्ति सम्मेलन सुरु हुनेछ ।
यस कार्यक्रमको माध्यमबाट, राष्ट्रिय शान्ति दिवस विशेष छुट्टीको रुपमा सम्भावित घोषणाको लागि राष्ट्रपति बोङ्बोङ मार्कोसलाई एक प्रस्ताव प्रस्तुत गरिनेछ।
उक्त कार्यक्रमको आयोजना र नेतृत्व उच्च शिक्षा आयोग (चेद) का आयुक्त डा रोनाल्ड एडमाटको अध्यक्षतामा भएको स्थानीय शान्ति संस्था, भोलिन्टर इन्दिभिजुअल्स फर पिस (भिआइपी) ले गरेको हो।
सो कार्यक्रम दक्षिण कोरियाका शान्ति अधिवक्ता र युद्ध दिग्गज ली म्यान-हीको अध्यक्षतामा दक्षिण कोरियामा आधारित एनजीओ, हेभेन्ली कल्चर वल्ड पिस रिस्टोरेशन अफ लाइट (एचडब्लुपीएल) को सहभागिताको साथ अन्तर्राष्ट्रिय बन्यो ।
एचडब्लुपीएलसँग भिआइपी र चेदको साझेदारीमार्फत, राष्ट्रिय स्तरमा शान्ति शिक्षाको परिचय र अन्तर्राष्ट्रिय स्तरमा शान्ति गतिविधिहरूको सहयोगलाई अगाडि बढाइएको छ।
९२ वर्षीय एचडब्लुपीएलका अध्यक्ष जनवरी २४ एचडब्लुपीएल शान्ति दिवसको ९औं वार्षिकोत्सवको स्मरणमा फिलिपिन्स आउँदैछन्।
1673884910.jpg)
स्थानीय समुदायहरूबीच मेलमिलापलाई बढावा दिन २०१४ मा जनरल सान्तोस शहरमा हस्ताक्षर गरिएको नागरिक नेतृत्वको शान्ति सम्झौताको सम्झनामा प्रत्येक वर्ष शान्ति दिवस मनाइन्छ।
सम्मेलनको एक दिन अघि, उनी मनिलाको प्लाजा असुनसियन, मलाटेमा ११औं शान्ति स्मारकको अनावरण समारोहमा पनि उपस्थित भइ मन्तव्य दिने तयारीमा छन्।
पहिलो पूर्णसत्रमा दुवै आयोजक संस्थाका अध्यक्षहरूले राष्ट्रिय तथा अन्तर्राष्ट्रिय स्तरमा शान्ति स्थापनाका लागि हासिल गरेका उपलब्धि र योजनाहरू प्रस्तुत गर्न मन्तव्य दिने छन् ।
यस सत्रमा उपराष्ट्रपति साराडुटेर्टेलाई पनि बोल्न आमन्त्रित गरिएको छ । पछि दिउँसो, प्राज्ञ र युवा, धार्मिक अगुवा, सांसद तथा गैरसरकारी संघ संस्था, सञ्चारमाध्यम र महिला अगुवा गरी पाँच क्षेत्रीय समूहको समानान्तर सत्र हुनेछ।
प्रत्येक सत्रमा, प्रत्येक क्षेत्र समूहबाट एक संकल्प प्रस्तुत गर्न खुला फोरम पछि मन्तव्यहरु हुने छन्। यी प्रस्तावहरूलाई एकीकरण गरी दोस्रो पूर्ण अधिवेशनमा राष्ट्रपति समक्ष पेश गरिनेछ।
यसबाट राष्ट्रिय एकता र दिगो विकास हासिल गर्ने फिलिपिन्सको संकल्पलाई बलियो बनाउने शान्ति निर्माण र द्वन्द्व रोकथामका लागि समग्र दृष्टिकोण सहितको राष्ट्रिय शान्ति ढाँचाको निर्माण गरिनेछ।
